Lehen Hezkuntzako Erlijio Katolikorako Gure etxea proiektua Frantzisko aita santuak Laudato si´ entziklikan botatako “erronka ekologikoari” erantzutera dator: gure planeta, guztiona den etxe hau, zaintzeko erronkari erantzutera alegia. Bibliako edukietan eta eduki teologikoetan, Espainiako Apezpiku Batzordearen curriculuma garatzen da, bai norbera bai ingurua eta bai planeta zaintzearen inguruan ardaztuta. Sei kidez eta maskota batez osatutako familia baten bidez, ikaslea unitate bakoitzeko edukietan barneratuko da, betiere kultura-aniztasuna eta desgaitasunak dituzten pertsonen balioespena oso aintzat hartuta. Bibliako kontakizunei buruzko ilustrazioak maila estetiko handikoak dira, eta hori dela eta, aukera paregabea dugu Biblia eta artea lotuz Bibliako edukiak lantzeko. Espainiako Apezpiku Batzordearen curriculumean proposatutako eduki teologikoak lantzean, ikasleek ondo ulertzeko moduko hizkera erabili da, eta Elizaren irakaspenetako testuak ere ikasleen ulermen-mailara egokituta daude, bai eta zenbait "lekukorengan" haragituta ere, haien bizitzan gorputz hartuta adierazten baitira esplizituki adierazitako eduki horiek. Zaintzearen inguruko orrialde bikoitz baten bidez, aukera ematen zaie ikasleei ikasitakoak eguneroko bizitzako zaintza-lanetan aplikatzeko. Eskola-eremura, auzora eta familia-eremura bideratutako lanak izango dira. Unitateen amaieran, irudiz hornitutako laburpenak dituzte ikasleek, Visual Thinking izeneko teknikaren bidez ikaskuntzen sintesi intuitiboa errazteko.